مواقف ومبشرات ....

بداية انا مش عارف ابدا من فين واحكى ايه ولا ايه من فضل ربنا عليا وستره على امثالى لكن دى رسالة

لكل شاب نفسه يعيش احلى حياة ويبدا طريق صحيح

انا بداية نشات كاى شاب فى اسرة محافظة الاب يصلى والام كذلك وبفضل الله تعلمت من ابى وامى

والكثير والكثير فلهم الفضل على بعد الله عز وجل ان اعرف طريق الاستقامة .. البداية كانت فى اولى

ثانوى كنت الحمد لله بصلى وبقرا قران لكن عرض لى ذنب بسبب فضولى فوقعت فيه وجر معه ذنب اخر

الغريب انى كنت احاول ان اصلح شخص فوقعت انا فيما احاول ان انهاه عنه

هنا يبدا الصراع المرير كثرت

الذنوب ثم الامراض وانهيت اولى ثانوى ودخلنا فى 2 ثانوى المرحلة الصعبة عنق الزجاجة فى مصر

عندنا كما نعلم لكنى استعنت بالله وكنت كل ما اقع فى ذنب اتوب منه واستغفر وكنت متيقن ان ربنا

رحمته واسعة ومهما ذنوبى كترت رحمة ربنا اوسع ليا بدات اتقرب من الله اكثر واكثر واعيش مع القرآن

سبحان الله كنت لما اقرا القران كنت فى الاول عاوز اخلص وخلاص لكن بعد فترة ماعرفت طريق ربنا

اصبحت اشعر بحزن عندما اختم الورد وكانى لا اريد ان انتهى من القراءة كانت معانى وخواطر ايمانية

جميلة خلال الفترة دى كنت بذاكر واجتهد لكن كان فى مرض عندى مزمن يسبب لى بعض التقصير فى

الناحية الدراسية وانا كعادتىى لا احب ان احمل احدا همومى حتى اقرب الناس الى واقتربت الامتحانات

والحمد لله عدت وايضا لسه الذنوب ملازمانى وبجاااااهد سبحان الله قبل ما النتيجة تظهر ر ايت رؤية انى

نائم على حجر امى فوق البيت ( على السطوح يعنى بلغة المصريين ) ورايت وكان لوحة فى السماء

ظهرت مكونة من عدة اقمار لونها ذهبى مجموعة جنبا الى جنب مثل شكل البلاونات اللى بتيجى فى

ماتشات الكورة قبل الماتش مايبدا كانت نفس الشكل مع اختلاف الالوان وكانت تظهر وتختفى ترفرف فى السماء

ورايت مكتوب فى السماء او فى

هذه اللوحة الآية ( الله لطيف بعبادة ... )

ورجل قائم على المنزل المقابل يقول هذه لك هذه لك

فاستيقظت وفى قلبى سرور لا يعلمه الا الله والحمد لله ظهرت النتيجة ونجحت وجبت مجموع 98

بالمائة تقريبا ولله الحمد والحمد لله 3 ثانوى عدت ودخلت كلية من كليات القمة


كانت فى مواقف تحدث لى ايام الثانوية والدراسة .. كنت اقرا مثلا ان ايام السلف كانت هناك بركة عجيبة

فى الوقت لدرجة ان من السلف من ختم القرآن فى ركعة واحده فى حجر الكعبة من بعد صلاة العشاء

الى الفجر وهو عثمان بن عفان رضى الله عنه وكنت اقرا اننا فى زمن قلت قلت فيه البركة لكن قرات ان

وان قلت بركة الزمان ككل الا ان هذه البركة التى كانت فى زمن الصحابة يمكن ان تتحقق لاى احد تقرب

من الله عز وجل . كنت فعلا اشعر بالبركة فى وقتى كنت انهى اشياء فى وقت قياسى

. انا فعلا فى مرحلة ماقبلة الجامعة كنت اشعر بعناية الله ولا زلت لكن تشعر ان رسائل

الله اليك تتوالى عليك تترى من رسائل تثبيت وتطمين وغير ذلك فعلا كانت احلى حياة

مثلا كان فى موقف حصل معى كان لدى امتحان بالدرس وكان لدى ظروف منعتنى من المذاكرة وذهبت

للامتحان والكهرباء قطعت فتاجل الامتحان .. جاءت الحصة التالية وانقطعت الكهرباء وتاجل الامتحان !!

حتى اللثالثة وهكذا سبحان الله اليوم اللى كنت مستعد فيه للامتحان ده الى الكهرباء مش قطعت فيه

وجبت الدرجة النهائية !! خلال المرحلة الثانوية تعلمت اشياء كتيييير كانت ليها اكبر الاثر فى تكوين

شخصيتى وتفكيرى ومن اجمل الكتب اللى اثرت فيا هى كتب السير للصحابة والتابعين وتاثرت جدا

واستفدت كتيييييير من احد المنتديات الدعوية وكنت اسمع مصطلحات كتير كده اخوان مسلمين

وسلفيين وعلمانيين والكلام ده وفى الفترة

الاعلام شوه منظر الملتزمين اصحاب اللحى والمنتقبات او حتى المخمرات وبيخوف الناس منهم لكنى

الحمد لله عرفت اننا لازم نتبع النبى صلى الله عليه وسلم والصحابة والسلف لانهم افضل ناس عاشوا

على الارض بعد الانبياء والرسل ودول اكتر ناس يفهموا فى الدين غير اى حد فى زمنا .. عرفت ان سلفى

مش معناها ارهابى ولا متعصب ولا متشدد

لكن منهج السلف الحقيقي بعيد عن التطرف والغلو .. يعنى قران وسنة بفهم الصحابة والتابعين وانصح كل اخ او اخت عاوز يعرف

المنهج اللى مفروض يمشى عليه انه يقرا الكلام ده من الشيخ الحبيب محمد حسان

وما أجمل وأروع وأعظم قول شيخي وحبيبي ابن القيم قال "إن سألوك عن جماعتك ماتقولش إخوان مسلمين ولا تبيلغ ولا سلفية مافيش حاجة اسمها جماعة سلفية مافيش جماعة اسمها جماعة السلفية مافيش جماعة سلفية خالص فيه منهج سلفى القرآن والسنة بفهم السلف ويجب على كل مسلم على وجه الأرض أن يكون هذا هو الذي يدين به ربه قرآن وسنة بفهم السلف .لكن ما فيش جماعة اسمها جماعة السلفية إطلاقا لا تقول إخوان ولا تبليغ ولا سلفيه ولا تقول جمعية شرعية . يا أخي جماعتي كما يقول ابن القيم إن سألوك عن جماعتك فقل هو سماكم المسلمين "الله" لماذا تضيق ما وسعه ربك


يسمع هذا المقطع للشيخ محمد حسان


[ندعوك للتسجيل في المنتدى أو التعريف بنفسك لمعاينة هذا الرابط]


انا بحكيلكم شىء مما حدث فى سنتين الثانوية العامة مع انى كنت مقصر وعندى ذنووووووووووب

كتييييييييييييييير ولا زلت لكن مش كنت بياس ابدا وبحاول اتخلص من المعاصى ولازلت لكن مع كل الذنوب

جى ربنا عز وجل اكرمنى ولا زال

فى النهاية نصيحة لكل اخ او اخت نفسه او نفسها يكونوا ناس كويسين لا تياسوا ابدا واعلموا انكم ما

دمتم تجاهدوا انفسكم فستصلوا لكن الصدق ثم الصدق ثم الصدق واياكم واصدقاء السوء

واسالكم الدعاء بان يمن الله على بتوبة ترضيه عنى وان يجعلنى من عتقائه من النار لان حالتى الايمانية

فى تدهور وداخل على مرحلة فارقة فى حياتى الجامعية و الدينية

اسف جدا للاطالة وبشكر منتدى احلى حياة وكل عضو وزائر ليه واشهد الله انى احب كل المسلمين فيه

اخوكم

لاتنسونى من صالح الدعاء